Sunday, October 19, 2008

سلطة على الطريقة التايلاندية


السلطة دي بتعتبر وجبة كاملة ممكن تحضريها وتاخديها معاكي الشغل تاكليها كوجبة غذاء ميزيتها انها غنية وسهلة التحضير.

المكونات:
1كوب من مركز حليب جوزالهند
1ملعقة طعام من صوص المحار
400 جرام من صدور الدجاج المخلية مقطعة مكعبات
4 حبات خيار
2فلفل حلو أحمر
بصلة صغيره يفضل بصل أحمر
1 حبة فلفل أخضر حار
كبشة فول سوداني محمص ومملح
الطريقة:
سخّني مقلاة عميقة, اضيفي صدور الدجاج وقلبيها لحد ماتستوي وتشرب ميتها ولونها يكون ذهبي بعد كدا اضيفي حليب جوز الهند وصوص المحار و حركي المزيج لحد ما يغلي.
اغسلي الخيار كويس وبعدين اقطعي كل خياره نصفين بالعرض وقطعي كل نصف إلى شرائح رفيعة بدون تقشير.
اغسلي الفلفل الحاركويس اوي يستحسن تستخدمي قفازين(جوانتي) عشان متحسيش بحرقان في ايديكي و فرغي الفلفله من البذور و قطعيها الي شرائح رفيعة جداً
قشري البصله واغسليها بماء بارد بعدين قطعيها الى شرائح رفيعه برضو ونفس الكلام للفلفل الأحمر البارد.
اخلطي الخضروات المقطعة كلها سوا وبعدين صبي عليها مزيج الدجاج وزينيها بالفول السوداني المحمص وبالهناء والشفاء.

5 comments:

Rania El Daly said...

ta3mha kan 7elw awi awi awi ,Konti ma3'zyani ya sara :D:D

Sarah Arram said...

hehe thanks for stopping by sweetie :)

Anonymous said...

gawa3tini, I miss that so far

walid said...

gawa3tini, I miss that so far

Sarah Arram said...

thanks ana mbsouta :)