مين مبيحبش الباستا؟ أنا شخصيا معرفش حد مبيحبهاش. المره دي أنا مطبختش باستا أنا عملتها. التورتيليني أكله لزيزه جدا. أنا من عاشقيها لكن لما بروح السوبرماركت مبلاقيش غير باكيت تورتيليني مستوردة محشية جبنة أو مشروم. بصراحه جربت معظم الأنواع وحتى في أكتر من مطعم إيطالي بس معجبتنيش. فقررت أتعلمها وأعملها في البيت. واحشيها على مزاجي.
إلي منكم ميعرفش التورتيليني هي باستا أو مكرونة محشية وفي الوصفه دي أنا حشيتها لحمة مفرومة من غير صلصة. الوصفة دي مختلفة عن أي وصفة تورتيليني تانية محشية جبنة ومعموله في وايت صوص ومشروم مثلا. انا عملتها باللحمة المفرومة وحطيت طماطم مشوية بزيت الزيتون قبل ماقول أنا إزاي عملت الطبق دا هشرحلكم بسرعة إزاي حضرت عجينية التورتيليني
المكونات
5 بيضات
3كاسات ونصف دقيق قمح ابيض
3كاسات ونصف دقيق قمح ابيض
طريقة التحضير
حطي الدقيق على سطح املس(الكاونتر) تقدري تعجني عليه. اعملي حفرة في نص الدقيق وافتحي فيها البيض وابدئي حركي بالشوكة في البيض تدريجيا لحد مالعجين والبيض يبدأو يخلطو على بعض.
سيبي الشوكة وابدأي اخلطي بإيديكي لحد مايبقي عندك كتلة متماسكة من العجين غطيها بورق وسيبيها في المطبخ مابين ساعه لتلات ساعات
في الوقت دا ابدئي حضري الحشوة الي هتحشي بيها التورتيليني. انا حشيتها لحمة مفرومة عصجتها عادي بالبصل من غير صلصة
الحشو
1\3 كيلو لحمة مفرومة
بصلة متوسطة مفرومة فرم ناعم
ملح وفلفل اسود
ملعقة متوسطة زبدة او زيت حسب الرغبة
التحضير
في طاسه سميكة حطي معلقة الزبدة اول ماتيسح وتبدا تسخن حطي البصلة قليبيها عالنار لحد مالونها يبقى ذهبي. اضيفي اللحمه المفرومة قلبيها على النار وبعدين وطي النار وسيبيها تستوي ولما تخلص خالص اضيفي ملح وفلفل حسب الرغبة.علشان اللحمة تكون مناسبة للحشوه اتأكدي انها شربت ميتها كلها وبقت نوعا ما ناشفة
بعد ماللحمة تستوي سيبيها تبرد. وفي الوقت ابدأي حضري الصوص بتاع التورتيليني.
الصوص
3 حبات طماطم
3 حبات طماطم
زيت زيتون
رشة زعتر جبلي او بردقوش
ملح
التحضير
قطعي الطماطم ورشي عليها زيت زيتون وملح والزعتر ودخليها الفرن تتشوي
في الوقت دا طلعي العجينة بتاعة التورتيليني وافريديها لحد ماتبقي رفيعة وابدئي اقطعي دوائر فيها بالقطّاعة وهكذا لحد متخلصي العجينة 
افردي الدوائر دي على الكاونتر وبمعلقة صغيرة حطي في نص الدائرة بالظبط لحمة مفرومة. طبقيها من النص بحيث تبقى نص دائرة واضغطي على الاطراف بصوابعك ممكن تستعملي البيض المخفوق علي الأطراف عشان تكون ثابتة أكتر
. بعد ما تثنيها لفيها زي التاج.
التقديم
اغلي قدر ماء على النار وزي اي باستا اخرى اسلقي التورتيليني لحد ما يستوي و بعدين صفيه وحطيه في طبق. حطي عليه الطماطم وزينيه بالجبنة البرميجان المبشورة
تقدم ساخنة وحدها او مع خبر الثوم المحمص
8 comments:
ya sara wa7shni aklak ba2a awi :D kanet ayam gamela :D:D
:-D yeah kanet ayam gameela awy ya roro, kollokom wa7ashtony wallahe :( wala youm mn ayamna.. :'(
speechless ya bent :)
that is really good !! as i once said , i need you to teach me kol el7agat dey ! i am serious ! especially you make it sound like smth easy to do !! i luv ur dishes and way you do'em !
way to go Sarah.
Heba E
ana ta7t amrek begad if you wanto I can arrange somthing, and in the mean time I will keep publishing recpies hopfully in an easy way,,
momtaaz !!
bokra 3ndy shift night 7agrbha 3la el 3'ada we a2olek eh el klaam !
haha yeah! 3aref el tortellini da 3amel zay el ma7shy, bya7’od wa2t w byet3emel wa7da wa7da bas yestahel :D, of course you can buy a machine, like the ravioli machine it will make things easier:)
begad enti gamda w malkish 7al, I miss that so far, I hope when I come back to Egypt to ask my mother to cook the same dish isa
that would be so great, I really hope that you try it out and give me your feedback :)
Post a Comment